المدرسة بلا غش كالحياة بلا ماء

مغامرات المدرسة كثيرة ولاتقف لدى حد معين .. فلكل منا ذكريات سعيدة ولاتنسى في المدرسة ..
وبمناسبة قرب الاختبارات قررنا بالاجماع بعد محادثه ماسنجرية طويله عمل موضوع فكاهي للأعضاء
بمناسبة اختباراتهم المدرسية






في الصباح ..

احلى دلع تنتظر نايت ..
واذا بنايت اتيه من بعيد ..

احلى دلع بقهر : تو الناس من متى انتظرج ويا خشتك ..

نايت : بدينا؟ المهم قولي لي انا ذاكرت نص المنهج وانت؟؟

احلى دلع : والله مادري وش اقولج البارحه يونا بيت عمتي ولهيت معهم ؟؟

نايت : وش وش ؟؟ بالله؟ ولو جابو اسئلة من البداية نروح فيها ..

احلى دلع : نايتوه بلا خباثه ادري بج مايجي الاختبار الا مبرشمته كامل اوراق لاماعلمتيني افتن عليج

نايت : طيب طيب اهجدي انا ابتلشت بك وامري لله
امشي نروح نشيك على اماكنا قبل لايدق الجرس ..

اتجهت نايت واحلى دلع للقاعه وحصل الا يبونه .. الكرسيين الاخيرين لهم ..

نايت : اه يالنشبه شوفي يالدلوعه جنه سمعتنا صارت بالارض وبدو يشكون فينا ولا شحقه كرسي المراقبه هنا

احلى دلع : امبيه رحنا فيها

نايت : لارحنا ولا شيء اذا امي وابوي غشوا وش بيسووا لنا يعني بس المهم الحين كيف نطفر هالكرسي

احلى دلع : هييه بيشكون فينا لو شلتيه

نايت ومن قالج بشيله؟ هاتي شنطتي جايبه ميبرندا انا

احلى دلع: هاه؟

نايت بعصبيه اقولج هاتي

فتحت نايت علبة الميرندا وصبتها عالكرسي حتى محد يقدر يقعد عليه

نايت يلا بسرعه يابطة نطلع قبل لايجي حد وننكشف

احلى دلع بنفسها : والله رحت وطي دامي حطيت يدي بيدج داهيه انت

نايت : شقلتي؟؟

احلى دلع : اقول مافيه منج والله

نايت : فديتج والله

احلى دلع وهي تضحك : نايت طالعي طالعي الا يبكي والا خايف من صجهم ديلا؟
والله انهم مهويين عالاخر

نايت : والله محد مهوي غيري وغيرج

احلى دلع : تكفيين بشوف براشيمك ؟؟

نايت : مينونة انت تبي يصيدونا ولا نغش ولا نختبر

احلى دلع : هف انزين


في الاختبار ..

احلى دلع دخلت واخذت مكانها بس نايت الشتا قوي عندها اليوم مع ان الجو ربيع

المراقبه لنايت .. شيلي الشيله

نايت : يا ابله فيني التهاب حاد بأذني وماقدر اشيلها وانتم ماتقدرون تطفون التكييف

المراقبه : طيب دخلي وياويلك لو شفت شيء

نايت : لا ماكو الا العافية ان شاء الله ..

تسلم الجميع اوراق الاختبار ونايت واحلى دلع بدأت طقوسهم للغش

احلى دلع .. نايت السؤال الاول تكفي دوري عالورقه ..

ونايت تدور عالورقه من بين الاوراق المدبسه بشيلتها ..

لقت ورقه بس طاحت عالارض بسرعه نايت رخت تشيلها ..

الا والمراقبه على راسها ..

نايت ارتبكت وماعرفت شتسوي والمراقبه قعدت تصرخ تنادي عالادارة

نايت : اوريج يااحلى دلع خل اطلع اذا مادست ببطنك ماكون نايت

احلى دلع : نايت بلعيها بلعيها

نايت : ماكو ماي

احلى دلع: بلعيها وماي ريقك يكفي

وبسرعة البرق بلعت نايت الورقه رغم مرارتها ..

جات المديرة تسأل عن الورقة لكن مافي اي دليل .. والاوراق اللي بالشيله نايت اعطتهم احلى دلع

فقررت تطلع حتى ماتعمل ضجة للطالبات وترجع لهم بعد الاختبار ..

احلى دلع : امبييه واخيرا تركونا ..

نايت : اهم تركوج بس انا مااتركج ابد

عطيني جواب السؤال الثالث الاول خلاص راح بالبطون ..

احلى دلع استني بدور بجواربي
نايت : عز الله فلحنا


المراقبة بعصبيه: شتسووين؟

احلى دلع : ابله قرصتني بعوضه وقاعده احك

المراقبة انا ماشوفك تحكين

احلى دلع : ايه خلصت ابله

المراقبة خليني اشوف القرصه

احلى دلع : لاشنو تشوفيها ..

فلت لسان نايت بهاللحظة وقالت : الله لايوفقك يادلع

المراقبة : وبعدين معك كلمة زيادة وااشر على ورقتك ..

نايت : اي وتقولي للمديرة اني اغش زي قبل شوي وانا اصلا متورطة بالسؤال الاول

هنا احلى دلع تذكرت ان السؤال الاول ببطن نايت : وفجرتها ضحكة

فتم التأشير على الورقتين واخراجهم برا

نايت : والله لاوريج يالبطة ماتعرفي تمشي الامور عادي؟

على اخر سنة انفضحنا؟

احلى دلع : خل نفلت الاوراق دام الشباك مفتوح ومحد هنا ومحد عنده دليل
نايت : والله جبتيها لحظة اشيل الشيله والجزمة الله يكرمك والجوارب وارفع اكمام البلوزة ونرمي الاوراق الا فيها

احلى دلع : بل كل ذيلا فيهم ؟ الا قولي لي الحين ماعطشتي من الورقه الا بلعتينها وشلون طعمها مالح حلو مر


دخلت المديرة فجأة وهي تصفق وتقول ..
ماشاء الله ماشاء الله والله ومدججين بأسلحة الغش ..
فصل نهائي لكم .. ومبروك التخرج قبل كل الطالبات